Við ætlum að hittast kl. 15 við sendráðið hjá Nationalteatret og afhenda sendiherranum okkar henni Sigríði Dúnu áskorun til stjórnvalda frá íslenskum stúdentum í Osló. Sama dag verður stór útifundur á Austurvelli á vegum stúdentaráðs HÍ og fleiri námsmannasamtaka, og víðar um heiminn þar sem samskonar áskoranir verða lesnar upp og afhendar sendiherrum og/eða stjórnvöldum.

Óskir námsmanna eru eftirfarandi:

1. Að hlúð verði áfram að menntakerfi þjóðarinnar og að þjónustustig háskóla og gæði kennslu verði ekki skert þegar aukinn fjöldi námsmanna
 sækir nám sitt þangað.

2. Að þjónustustig Lánasjóðs íslenskra námsmanna verði ekki skert og að sjóðurinn haldi áfram að tryggja framfærslu námsmanna á meðan á námi
 stendur skv. 1. grein laga um LÍN.

3. Að mánaðarlegar greiðslur verði teknar upp á vegum LÍN til þess að
stúdentar þurfi ekki að fá yfirdráttarlán frá bönkunum á tæplega 20%
 vöxtum fyrir eftirágreiddu láni úr sjóðnum.

4. Að ríkið og LÍN endurskoði grunnframfærslu og reikni hana út miðað við raunverulegt verðlag nauðþurfta í þjóðfélaginu. Núverandi grunnframfærsla 
LÍN er ekki nægilega há til að stúdentar geti séð sér farborða með henni einni saman. Þeir hafa þurft að vinna með námi og leggja fyrir sumarlaun til að ná endum saman. Kúvending á vinnumarkaði hefur gjörbreytt tekjumöguleikum stúdenta með námi og að sumri sem nauðsynlegt er að bregðast við.

5. Að háskólar á landinu taki upp námskeið og kennslu yfir sumartímann fyrir þá stúdenta sem fá ekki vinnu. Að öðrum kostum neyðast atvinnulausir
stúdentar til þess að sækja um atvinnuleysisbætur frá ríkinu.

6. Að efla og styrkja Nýsköpunarsjóð námsmanna og sporna þannig við auknu
atvinnuleysi og ýta undir framtakssemi námsmanna.

7. Að ríkisstjórn og sveitarfélög styðji rækilega við uppbyggingu nýrra stúdentagarða og efni þá samninga sem þegar hafa verið undirritaðir.
 Fleiri hundruð stúdenta bíða eftir stúdentahúsnæði og þeim mun fjölga þar
sem æ fleiri námsmenn sjá fram á mikla fjárhags- og greiðsluörðugleika.

8. Að stjórnvöld taki höndum saman við aðra Íslendinga við að byggja upp
samfélag grundvallað á þekkingu, jafnrétti, félagslegu réttlæti og
manngildi.

Námsmannahreyfingarnar sem að þessu standa auk FÍSN eru:

Stúdentaráð Háskóla Íslands, Stúdentaráð Háskólans í Reykjavík, Stúdentaráð Menntavísindasviðs, Félag stúdenta við Háskólann á Akureyri, Listaháskóli Íslands, Stúdentafélag Háskólans á Hólum, Samband íslenskra námsmanna erlendis, Samband íslenskra framhaldsskólanema og Hagsmunafélag íslenskra framhaldsskólanema.

Fyrir utan sameiginlegar kröfur námsmanna leggur Félag íslenskra námsmanna í Osló og nágrenni (FÍSN) sérstaka áherslu á eftirfarandi:

- Að stjórnvöld sjái sóma sinn í að viðurkenna sína ábyrgð á atburðarásinni sem varð til þess að fjármálakerfi Íslands hrundi með þessum hrikalegu afleiðingum sem nú eru að verða ljós og er mikilvægt að heiðarleiki og hreinskilni ríki við uppgjör mála. Við teljum það grundvallaratriði í að endurreisa trúverðugleika þjóðarinnar út á við og trú ungs fólks á lýðræðinu.

 

 

Takk fyrir síðast kæru félagar!
Eins og vonandi allir muna þá er 1.des gleði næsta föstudag! Við ætlum að koma saman og fagna fullveldisdeginum saman, Guðrúnarstofa verður skreytt og boðið verður uppá piparkökur og ,,með því". Við höfum nefnilega fengið að gjöf áfengi frá Sendiráðinu sem við þökkum kærlega fyrir og veit ég að þetta kemur að góðum notum, hlýjar okkur við hjartarætur.

Ef einhver á einhver jólalög eða jólageisladiska endilega komið með það með ykkur. (Ef ykkur finnst of snemmt að spila jólalög núna, skal ég bara segja ykkur það að það er fyrsti í aðventu næsta sunnudag,,tíminn líður hratt á gervihnattaröld"...hraðar sérhvern dag..)

Mæting er 7 og verður fram á rauða nótt, hver veit maður taki nokkur spor við: ,,undir jóla hjóla tré...errrrrrrr PAKKI....."!

Hlakka til að hitta ykkur!
Kv. Bergþóra

Jæja, síðasta helgi var frábært.  

Það fór nokkrir félagar á handboltaleikinn sem við hefðum auðvitað átt að vinna en svona er þetta.  Nokkrir gæjar enduðu svo á Fjösfest uppí Dýralæknaskóla þar sem ég er nokkuð viss um að allir skemmtu sér konunglega!  

Fermingarveislan tókst ljómandi vel!  Hérna koma nokkrar myndir frá þeim hitting:

Hérna vantar nú eitt og annað inná borðið, en mikið svakalega lítur þetta vel út hjá okkur!  


Áslaug - Hugrún - Ingi - Kiddi allir að háma í sig... 


Fermingarveislann er vinsæl meðal félagsmanna ;)


Fallega fjölskyldan sem hjálpar til við að fjölga meðlimum FÍSN ;)


Saddar og sælar(+saddur og sæll)

Jæja en næst á dagskrá er þá SVEITABALLIÐ Á LAUGARDAGINN!  
Helgi hefur boðið sig fram að halda fyrirpartí því hann býr rétt um einn km frá þar sem ballið er haldið.  

Fyrirpartíið byrjar 19:00 HEIMA HJÁ HELGA (EKKI Í GUÐRÚNARSTOFU) hann á heima Frederiks glads gate. 21 c
og ætlar hann að merkja bjölluna HELGI.  Hægt er að finna kort á www.gulesider.no.